Results25 Oct 2026

Өсвөр үе, багачуудын улсын аварга шалгаруулах тэмцээн 2026 өндөрлөлөөMongolian only

Хоёр өдөр үргэлжилсэн тэмцээнд 6 клубийн 160 сэлэмчин ганцаарчилсан, багийн болон ур чадварын төрлөөр өрсөлдлөө.

Монголын Туялзуур Сэлэмний Холбооноос зохион байгуулсан 2026 оны Өсвөр үе, багачуудын улсын аварга шалгаруулах тэмцээн 10 дугаар сарын 24-25-ны өдрүүдэд Хан-Уул дүүргийн Биеийн тамир, спортын хорооны зааланд амжилттай болж өндөрлөлөө.

Тэмцээнд 6 клубийн 160 сэлэмчин оролцож, U8, U10, U12, U14, U16 насны ангиллаар охид, хөвгүүдийн ганцаарчилсан, багийн болон ур чадварын төрлүүдэд хурд хүч, авхаалж самбаа, техник ур чадвараа сорин өрсөлдлөө.

Ганцаарчилсан төрлийн хамгийн өндөр насны ангилалд Дуэль клубийн П.Оюун-Эрдэнэ (охид), С.Эрхэс (хөвгүүд) нар түрүүлсэн бол U14 ангилалд УБ Фенсинг клубийн Г.Уран-Маргад, Г.Сэцэн нар аваргалав. Бага насны ангилалд Флеш клубийн тамирчид олон медаль хүртлээ.

Багийн төрөлд U16 насны охид, хөвгүүдийн ангилалд Дуэль клуб, U14 ангилалд УБ Фенсинг клуб, U12 ангилалд Дуэль клуб, U10 охидод Хангарди клуб, U10 хөвгүүдэд Флеш клуб тус тус тэргүүн байр эзэллээ.

Тэмцээний шагналын сан болон медалийн зардлыг ивээн тэтгэсэн ХасБанкны Гүйцэтгэх захирал Г.Цэвэгжавт холбооны зүгээс талархал илэрхийлж, тамирчид, дасгалжуулагчид, клубүүд болон эцэг эхчүүдэд баяр хүргэв.