Б.Гандөл, Б.Баярчимэг нар "Улаанбаатар Гран при 2024"-т анх удаа түрүүллээ
Үндэсний чансааны шилдэг 20, 20 тамирчны тулааны үеэр 2023-2024 оны улирлын шилдгүүдийг өргөмжиллөө.
МТСХ-ны үндэсний чансааны эрэгтэй, эмэгтэй шилдэг 20, 20 тамирчны тулаан болох "Улаанбаатар Гран при 2024" тэмцээн амжилттай зохион байгуулагдлаа. Тэмцээнийг МТСХ-ны Удирдах зөвлөлийн гишүүн Б.Бат-Эрдэнэ нээв.
Дуэль клубийн сэлэмчин Б.Гандөл, Б.Баярчимэг нар анх удаа Гран при тэмцээний аваргаар тодорч цомын эзэд боллоо. Хангарди клубийн Т.Эзэнболор, Х.Нандин-Эрдэнэ, ЛТ клубийн У.Мөнх-Хасар, УБ Фенсинг клубийн Г.Сумъяабалдан, Э.Тэмүүлэн нар анх удаа медаль хүртлээ.
Тэмцээний үеэр 2023-2024 оны улирлын шилдгүүдийг өргөмжиллөө. Насанд хүрэгчдийн шилдэг эмэгтэй тамирчнаар УБ Фенсинг клубийн Б.Амарзаяа, эрэгтэй тамирчнаар Хангарди клубийн Б.Хаш-Эрдэнэ, шилдэг клубээр дасгалжуулагч Ц.Жигжидсүрэнтэй Дуэль клуб шалгарав.
Тэмцээнийг ивээн тэтгэсэн Нийслэлийн Засаг даргын Тамгын газарт туялзуур сэлэмний нийт хамт олны өмнөөс талархал илэрхийлэв.
Эмэгтэй
- Б.БаярчимэгДуэль
- З.ХишигдэлгэрДуэль
- Т.ЭзэнболорХангарди
- Х.Нандин-ЭрдэнэХангарди
Эрэгтэй
- Б.ГандөлДуэль
- У.Мөнх-ХасарЛТ
- Э.ТэмүүлэнУБ Фенсинг
- Г.СумъяабалданУБ Фенсинг
Эх сурвалж: Монголын Туялзуур Сэлэмний Холбооны Facebook пэйж